Mongol-style админ ТОТО: Таны хүслийг ердөө л 12000хан төгрөгөөр биелүүлнэ гэнэ шүү. Тэхдээ зөвхөн хүсэл биелүүлэх бас биш юм шиг байгаамаа. Буян үйлдэж байгаа нь тэр гэнэ. Тухайн өдөр буян үйлдэж, маань уншсан нь тум бум дахин арвижина гэнээ.
ТОТО би энэ нийтлэлдээ наагуураа ГЭРЭЛТ ЗУЛЫН ЁСЛОЛын тухай, цаагуураа бас бус өөр зүйлсийн тухай ярих гээд байгаа юм.
ОЛОНХЫН ХҮСЭЛ СОНИРХОЛД
Зэ хө манайхан ямар нэг хүсэл биелэгдэнэ , эсвэл хэд дахин нугалж олох, хурдан хугацаанд үр дүн өгөх гэсэн тодотголтой бүхий л зүйлсд нугасгүй дуртай хүмүүс. За ер нь ч дургүй хүн хэн байхав дээ тэ. Аль болох хурдан хугацаанд турж Мисс болохыг бодно, аль болох амархан аргаар Босс болохыг бодно, аль болох ашгийг хэд нугалж олохыг хичээнэ. Энэ бүх үр дүнд хүрэх замд нь сайн муу үйл хийх нь хамаагүй мэт..ямар нэгэн аргаар л үр дүнд нь хүрч байвал..
За энэ мэт хүсэл сонирхол ихтэй өнөө цагт " Гэрэлт зулын ёслол"-ын танилцуулган дээр нь яг л тэр сайхан хүсэл биелэгдэнэ, буян чинь хэд дахин арвижин гээд нэг сумаар хэд хэдэн туулай буудах боломжыг олгож байгаа сайхан арга хэмжээ болж таарчээ. Ууг нь 12000₮ гэдэг бол бас бага мөнгө бол биш. Ялангуяа тухайн ёслолд оролцож буй 16000 хүний 12000₮ бол их тоо. Энэ мөнгөний талаар ярихаа жоохон азная..
ИЙМ НЭГЭН ЯВДАЛ
За би гэдэг хүн Гэрэлт зулын ёслолд (ГЗЁ) оролцож үнэндээ үзээгүй хүн л дээ. Айхтар сонирхож байсангүй. Тэгтэл өнгөрдөг Бурхан багшийн дүйцсэн өдрөөр ГЗЁ болох гэж байна хамт явья очоод билет аваад ир гээд л эгч маань намайг хүчээр шахуу л явууллаа да. Тухайн өдрийн өдөр нь байсан юм байна. Зохион байгуулагчынх нь утасруу ярихад билет нь дуусч байгаа Дашчойлон хийд дээр байгаа байх очоод үз гэлээ. Хийдийн кассаар зарах байх гээд орсон цаана чинь гээд нэг утсаар ярьж буй эмэгтэйрүү (тэр эмэгтэйг хархад зах дээр билет тасалдаг хүмүүс л нэг ийм харагддаг даа гэсэн бодол гялс орж ирээд л өнгөрөв) зааж байна. Утсаар: "за би зараад дуусцан шүү, дороо дуусчлаа..аанхаа. за тэнд уулзья.." гэсэн яриа сонсогдлоо. Миний ардаас бас хэдэн 10н жилийн хүүхдүүд асууж сурагласаар дуу шуутайхан орж ирэн дууссан гэж дуулаад өөр газар байхгүй юу, утас нь байна уу гээд л гоё шоу-наас хоцорчих гээд байгаа янзтай л их л сандарч байгаа харагдлаа. Кассын өрөөнд байх ГЗЁ-ын танилцуулгыг аваад кармалчихаад гарлаа. Нөгөө хэдэн 10н жилийнхан том төлөвлөгөө нь нурсан янзтай өөө байлайн гэцгээгээд хийдээс гарч яваа харагдлаа. Хийдэд орж ирсэн юм байна гээд хүрд эргүүлэнгээ хэдэн мэддэг маань мэгзэм болон ганц хэлдэг хүслээ амандаа шивнээд хийдийн хашааг тойрч дуусаад нөгөө ГЗЁ-ын билет авах гэж байсан өөрийн 12000-аа яах билээ гэж бодлоо. Ямар нэгэн буяны үйлсэд зориулах гэж байсан бол зориулах л ёстой гэж боддог болхоор хийдрүү орон хандив авч байгаа хүнд 5000₮ өгөхөд миний нэрийг асууж ард гарын үсэг зуруулж байна. Өөр хүний нэр бичүүлэх үү гэж асууж байна (ханив өргөгчидөд зориулж ном уншдаг юм билээ л дээ). Тэгээд хэдэн төгрөг өгсөн ч бай бүх хандив өргөгчдөд жижиг ном өгч байна. За тэгээд үлдсэн 7000₮ харих замдаа таарсан жин үздэг эмээд өгчихлөө.
БУЯН
Орой нь найз залуутайгаа төв гандан орж хүрд эргүүлж, зул өргөхөөр очих замд өнөөх ГЗЁ дээр хөөргөдөг зул нь өнгө өнгөөрөө ширхэг нь 1000-2000₮ хооронд зарагдаж байх юмаа. Эгч хэлэхдээ тэр ГЗЁ дээр 4-5 хүн дунд нэгийг өгдөг гэж байсан. Толгойд яагаад 12000₮ гэж бодогдлоо. ГЗЁ-н орлогыг сайн үйлсэд хандивладаг юм болов уу гээд нөгөө танилцуулгыг халааснаасаа гаргаж уншхад тийм зүйл огт бичигдээгүй байх юм. Тэгдэггүй л юм бол яагаад зарлагаасаа хэт нугалсан ашиг гэж. Гадуур дунджаар 1500 гэж зарагдаж байгаа зулыг тэр олон хүнд тараахаар урдаар бөөндөж авах үнэ нь бараг 100₮ орж ирж байгаа биз. За яахав 500₮ стадионы түрээс бусад зардалд нэг билетэнд 2500₮ гэж үзэхэд зарлага нь 3000₮ орлого нь 9000₮ нийт 16000 хүн гэхээр чинь зарлагаа 3 дахин нугалж 48н сая төгрөгийн ашигтай болж байгаан. Ёстой л хуга нуга олж, цөм ш..на гэдэг нь л болсон байгаа биз..Маргааш нь тэнд оролцсон найз хүүхнээсээ ямар юм болсон , яасан тухай асуулаа. Их л олон хүн цугласан, тайзан дээр хэдэн лам ном уншиж байгаа харагдсан ч ер нь юм олигтой сонсогдоогүй гэж байна. За тэгвэл ямар нэг хандив өргөх ёслол. Сайн үйлсийн аяны сурталчилгаа энэ тэр байсан уу гэсэн ерөөсөө тийм юм сонсогдоогүй, үзэгдээгүй гэж байх юмаа.
Магайдгүй бид ГЗЁ гээчид зарж буй тэр их мөнгийг хэн нэгэн өвчнөөр шанлаж буй хүний эмчилгээний зардалд өгсөн байсан бол нэг ч гэсэн хүний амь аварч тэр өдрийн нэг том буян болох байсан биз.
ШОУ
Ер нь энэ ГЗЁ гэгч манайхны хувьд нэг оройг адал явдалтай гэрэлттэг дэнлүү тэнгэрт олноор хийсгэж өнгөрөөх шоу болсон ч юм шиг. Тэрэнд оролцох гэж билет авах гэж ирсэн 10н жилийн залуусыг хархад л тэгэж бодогдохоор. Тэд бурхан багшийн дүйцсэн өдөр гэдгээ ч магайдгүй мэдэхгүй л болов уу, тэд жирийн үеэр гандан орж хүрд эргүүлдэг болов уу, ер нь зул өргөх гэдэг нь ямар зан үйлийг мэддэг болов уу. Дүйцсэн өдрөөр зул өргөх нь талийгаачдын замыг заан гэрэлтүүлдэг, энэ нь их буян болдог гэлцдэг. Тийм л их буян хийх гээд байгаа бол хийдүүдэд тухайн өдрүүдэд тусгайлан зул билдэж нэг ширхэг нь 100 гээд байж л байдаг.
ХҮСЭЛ
Тэгээд ер нь тэр 10н жилийн хүүхдүүд юу хүсдэг бол оо. Ёстой би таашгүй гэдэг шиг хэ хэ..Миний хувьд нээх нууж хаахааргүй ганц хүсэлтэй. Од харвах зуурт л хэлчихэж амжихаар мэддэг ганц хүсэлтэй. Гэхдээ анхнаасаа л ийм ганц хүсэлтэй байгаагүй л дээ. 8 жилийн өмнөөс л байх даа. Би бусдын л адил залбирч, хүслээ шивэгнэж байдаг ч нилээн шуналтай хүсэлтэй гэх үү дээ. Энэ дэлхий дээр амьдарч байгаа хүмүүс, амьтад, өвс ургамал, нэг эст амьтад, бүр цаашлаад харь гаригийнхан байдаг бол тэдэнд бүгдэд нь эрүүл энх, дайн дажингүй, атаа хорсолгүй, тайван амар амгалан амьдраасай гэж хүсдэг. Яг хэлэхийн бол аймар урт болчих гээд байдаг юм. Тэгсэн олж мэдэхнээ бурханы шашинд зургаан зүйл хамаг амьтан гэдэг үг нь миний энэ сунжруулаад хэлээд байдаг бүхий л зүйлийг багтаачихдаг юм байна л даа. Хүнээс доошоо 3н зүйл үүнд нь: тамд байгаа нь, бэрдийн оронд байгаа нь, амьтад буюу дэлхий дээр байгаа хүнээс бусад амьд зүйлс, хүний орон тэгээд хүнээс дээшээ 2 орон. Үүнд нь бурханлиг төрөл, магадгүй харь гаригийнхан ч юм уу, бурхан биш ч хүнээс илүү бурханд ойртсон 2 зүйлийн орон гэсэн үг. Энэ 6н оронд хүмүүс сайн муу үйлс хийснээсээ шалгаалаад шилжиж байдаг гэж ярих юм билээ. Үнэхээр сайн үйлс хийж, буян хийвэл энэ 6 орны циклээс гарч бурханы оронд очдог гэнэ. Энэ циклээс гарч бурхны оронд очих ганц шаанстай нь хүн заяанд төрөгсөд юм гэсэн шүү.
ЕРӨӨЛ
Бид засал хийлгэж ном уншуулдаг, та уншуулж байгаа номон дээрээ юу гэж гарч байгааг мэддэг үү. Ер нь бол шашны номнууд нь түвд хэл дээр бичигдсэн ерөөл магтаал, үлгэр туульсууд байдаг юм байна лээ. Хийморийн сан гэхэд л дан ерөөл тэгж сайхан зам мөр нь шулуун байг, цог хийморь нь өөдөө байг гэх мэтчилэн. Тэр дунд нь таны нэрийг оруулаад энэ хүн ингэж сайн сайхан ажил үйлс нь бүтэмжтэй, цог хийморьтой явах болтугай гээд л нилээн олон мөр ерөөлийн үгс.
Тэгэхээр миний одоогийн хүсдэг ганц нь буюу хэлдэг ерөөл нь " Зургаан
зүйл хамаг амьтан эрүүл энх, амар амгалан, дайн дажин, атаа хорсолгүй
амтдарч бурханы оронд очих болтугай". Энэ өгүүлбэрт би өөрийгөө, гэр
бүлээ, найз нөхдөө, дэлхийн хүмүүсийг, ан амьтад, байгаль эх, харь
гаригийнхантай нь мөн уншаад сууж буй таныг гээд бүгдийг багтаагаад
дээрх ерөлийг хэлдэг гэсэн үг. Бүгдийг багтаасан гоё ерөөл байгаа биздээ
; )
Тэр ГЗЁ дээрх бүх хүн ингэж ерөөвөл ямар хүчтэй ерөөл болох
бол. Би бүгдэд нь , миний хажуудах хүн надад бас бусдад, бүгд бүгдэдээ
ерөөл хэлвэл хэдэн мянган хийморийн сан, эрүүл мэндийн, хар цагаан хэл
амны ном уншуулсанаас илүү хүчтэй байна гэдэгт итгэлтэй байна.
БОДОЛ=ҮЙЛ=ҮЙЛДЭЛ=ҮР ДҮН=ҮЙЛИЙН ҮР
Бодол, хүсэл гэдэг үйлдэлийн эхлэл... хүүеэ за бүр арай л урт болчих гээд байнаа. Хүн амьтан залхаачих гээд байх шиг байна. Дараа үргэлжлүүлье..анхны сэдвээсээ бүр хазайгаад явчихлаа.
За тэгээд эцэст нь ГЗЁ-г нээх буруу шаах гээгүй юм шүү. Зүгээр буяны талын юмыг ашиг олох гэж хийвэл өөрт ч тэр бусдад ч тэр нээг сайн нөлөө үзүүлэхгүй л болов уу гэдэг үүднээс бичлээ. Магайдгүй энэ ёслолыг стадионруу орох такс-г аваад зулыг нь хямд зараад. Сайн үйлсийн аяны өдөрлөг арга хэмжээ болгон зохиодог болчвол зүгээр юм шиг. Play time шиг гэх юм уу. Дотор нь албан ёсны сайн үйлсийн аян зохион байгуулагч ТББ, олон улсын байгууллагууд цуглаад үйл ажиллагаагаа олонд сурталчилдаг, таниулах арга хэмжээ явдаг. Очсон хүмүүс нь өөрийн хүссэн сайн үйлсэд, өөрийн чадлаар мөнгө хандивладаг. Урлагийн одууд сайн дураар тоглолт хийдэг, идэж уух юм зараад л. Хүмүүс амраад, санаанд нийцсэн үйл ажиллагаанд нэгдээд, гишүүн болоод, хандив өргөөд оройн нь гэрэлт зулаа нийтээрээ дэлхийн хүмүүс, байгаль эхдээ зориулан ерөөл айлдан хөөргөөд дуусдаг бол ёстой догь л байх байсан даа..Нээрээ тэр ГЗЁ өдөр төв гандан дээр бас бурхан шашинт залуучуудын холбооноос бас арга хэмжээ зохион байгуулаад төгсгөлд нь зүгээр зул асааж өргөж байсан. Тэрэн дээр бол ламын хэлсэн ерөөлийг хүмүүс дагаж хэлж зулаа өргөж байна лээ. Тэрэн шиг л....
Mongol-style админ ТОТО:
Эцэст нь санаа зөв бол заяа зөв, зөв хүний үйлдэл далд ч зөв байдаг гэсэн үгээр. Мөн хэлэх дуртай юу сансан есөн цагаан (хүн муу зүйлс бас хүсдэг, гэхдээ зөвхөн сайн сайхан хүсэл тань шүү) хүсэл тань биелэж байг гэсэн ерөөлөөр нийтлэлээ төгсгөе.
Бүгдийг биш хэрэгтэйг. Бидэнтэй хамт байгаарай.
Ц.Ганбат 
