СОЛАР ХАУС ХХК: НАРНЫ ЭРЧИМ ХҮЧНИЙ ХАЛААЛТЫН СИСТЕМ

  MS: Сэргээгдэх эрчим хүч буюу нарны эрчим хүчийг ашиглан халаалт, халуун усны систем, гадна гэрэлтүүлгийн төхөөрөмжийн нийлүүлэлт, угсралтын  "Солар хаус"ХХК нь манай блогт өөрсдийн компаний үйл ажиллагаа, үйлчилгээ, үйлдвэрлэлийнхээ талаар мэдээлэл илгээсэн байна. Сэргээгдэх эрчим хүчний систем суурилуулдаг цөөхөн компаны нэг гэж ойлгож байна.

Манай компани нь 2006 оноос хойш бүх төрлийн төмөр хийц буюу гоёлын болон энгийн дэлгэдэг, гүйдэг хаалга, хашаа, хайс, цонх болон шатны хамгаалалт, гаражны листэн хаалга, токарь, чиргүүлтэй, чиргүүлгүй емкостийг тоноглох зэрэг ажлуудыг чанарын өндөр түвшинд хийж гүйцэтгэж ирсэн билээ. Мөн Улаанбаатар хотын гэр хороололын дундах болон авто зам, гудамж талбайн гэрэлтүүлэгийн системийн багана, суурь, уул уурхайн компаниудын зөөврийн усны машин тоноглох, суурин, зөөврийн контайнер хаус тоноглох зэрэг ажлыг хийж гүйцэтгэж байсан арвин туршлагатай билээ.

        2011 оноос манай компаний ажилчид БНХАУ-ын нарын эрчим хүчний тэргүүлэх үйлдвэрүүдийн нэг болох Sunrain компанитай хамтран ажиллах гэрээ хийсний үндсэн дээр нарны эрчим хүчний тоног төхөөрөмжүүдийн үйлдвэрлэлийн болон угсралтын сургалтанд хамрагдан хот, хөдөө орон нутагт хийгдсэн төслийн ажлуудад нарны халаалтын системийн суурь, гэрэлтүүлэгийн системийн багана болон туслах тоноглолын үйлдвэрлэл, угсралт зэргийг хийж гүйцэтгэсэн.

         “Солар Хаус” ХХК нь нарны эрчим хүчний энергийг ашиглан барилга байгууламж, хувийн орон сууц, гэрийн дулаан хангамж, хэрэглээний халуун усаар хангах, зам талбай, зүлэг, явган замын гэрэлтүүлэгийн техник тоног төхөөрөмжийг Монголд цоо шинээр нэвтрүүлэн технологийн шинэчлэлийг авчирч байгаа нийгмийн хариуцлагатай үндэсний компани юм.

          Манай компани 2011 оноос эхлэн БНХАУ-ын “Sunrain” ХХК-тай хамтран нарны вакуум коллектор бүхий халаалтын болон хэрэглээний халуун ус бэлтгэх цогц тоног төхөөрөмжийг Монгол Улсын нутаг дэвсгэрт борлуулах цорын ганц дистрибютерээр ажиллаж байна.

2011 онд Хустайн цогцолборт газрын 420м² талбай бүхий захиргааны барилгад нарны эрчим хүчний вакуум коллектор бүхий халаалт, хэрэгцээний халуун ус бэлтгэх систем суурилуулах томоохон төслийг амжилттай хийж гүйцэтгэсэн. Мөн Улаанбаатар хотын хэрэглэгчдийн хүсэлт, захиалгын дагуу монгол гэр, хувийн орон сууцанд халаалт хэрэглээний халуун усны шийдлийг байгаль орчин ээлтэй ногоон технологиор шийдэж олны талархлыг хүлээсээр байгаа бөгөөд 2012 оны 5 сард зохион байгуулагдсан “Барилга орон сууц 2012” үзэсгэлэн яармагт амжилттай оролцож “Ногоон технологи нэвтүүлэгч” номинацийн ШИЛДЭГ КОМПАНИ болж шагнагдсан билээ.

Хийж гүйцэтгэсэн ажлууд

БЗДүүргийн 23-р хороонд оршин суугч иргэн М.Дарьбадамын монгол гэрт суурилуулсан нарны халаалтын систем /2010 он/

Хустайн цогцолборт газрын 420 м² талбай бүхий оффисийн барилгад суурилуулсан дулааны хоолойт нарны вакуум коллектор бүхий халаалт, хэрэглээний халуун усны систем /2012 он/

Канад модон байшинд суурилуулсан дулааны хоолойт нарны вакуум коллектор бүхий халаалт, хэрэглээний халуун усны систем  /2012 он/

Канад модон гэрт суурилуулсан дулааны хоолойт нарны вакуум коллектор бүхий халаалт, хэрэглээний халуун усны систем /2012 он/

Мойлт, Гурван тэмээт жуулчны баазуудад суурилуулсан нарны эрчим хүчээр хэрэглээний халуун ус бэлтгэх систем /2012 он/

 

Солан хаус компаний хаяг: Улаанбаатар хот, Сүхбаатар дүүрэг 5-р хороо Үндсэн хуулийн гудамж Их Yйлсийн эрэлд компаний байр 209 тоот, Улаанбаатар-28 Монгол Улс-14253
Утас/факс: (976) 11-310477
Цахим хаяг: solarhouse_mongolia@yahoo.com info@solarhouse.mn
Вэб сайт: www.solarhouse.mn

MS: Дээрх компаны хамт олондоо амжилт хүсье. Монголын ухамсарт иргэд, аж ахуйн нэгжүүддээ аль болох сэргээгдэх эрчим хүчээ хэргэлэхийг уриалж байна. Ингэснээрээ бид ирээдүйдээ асар том хөрөнгө оруулалт хийж байгаам шүү. 

Хэрэв та болон танай байгууллага үйлдвэрлэл эрхэлдэг бол дээрх компаны адил танилцуулгаа бидэндрүү явуулан олон нийтэд танилцуулах, түгээх бүрэн боломжтой.

Мongol style: Бидэнтэй хамт байгаарай.