МОНГОЛ СТАЙЛ БЛОГИЙН ТАЛААР

Бидний Монголчууд эвтэй байхдаа хүчтэй гэдэг үг байдаг. Мөн Монгол тамын тогойны үлгэр ч гэж ярьж заншсан үг ч байдаг. Монголчууд яагаад тамын тогоонд байх ёстой гэж, хэрвээ тийм байдаг бол одооноос л бие биеэ дэмжээд бүгдээрээ л тэр тогойноос гарчихъя л даа. 
Нэгэн Солонгос эр " бид нар дундаасаа аль авъяас чадвартай, ухаантай нэгнийгээ дэмжээд дараа нь тэр нь бусдыгаа дэмждэгшт, танайхан тэгэхгүйнмаа...бүгд л лаг болохоороо тэгдэх байх л даа" гэж хэлсэн гэдэг.

Хэсэг найзууд яриж суугаад: " Бидэнд Солонгос, Япон, Хятад, Америкаас дутаад байх юм байхгүй байж яагаад тэгтлээ хөгждөггүй байна. Бид нар сэтгэхүйгээ өөрчлөн хамтдаа бие, биеэ дэмжин дэлхийн давцанд өрсөлдөх хэрэгтэй...Гэхдээ эхлээд бид дэлхийн стандартад нийцсэн загвар дизайнтай, чанартай бараа бүтээгдэхүүн үйлдвэрлэн дотоодын хэрэгцээгээ хангаж чадаж байх нь чухал. Эцсийн эцэст Монгол брэндийг монгол хүн л дэлхийд таниулах ёстой, таниулах гүүр нь болно. Бид өөрсдөө ч дотоодод үйлдвэрлэдэг бараа бүтээгдэхүүн, урлагийн бүтээл туурвил, уламжлал, шинэчлэлийн тухай сайн мэдэхгүй байхад гадныхны тухай ярилтгүй гээд..." дотоодын үйлдвэрлэлээ дотооддоо эхлээд сайн мэддэг, дэмждэг, хөгжүүлдэг байх нь зөв гэж ярилцаад..

   Блог нээх санал гарч Монголд үйлдвэрлэсэн бараа бүтээгдэхүүн, үйлчилгээ, загвар дизайн, ололт амжилт, бүтээл туурвил бүрийг Монголчууддаа хүргэх сурталчилах, мөн Монголдоо үйлдвэрлэх боломжтой бараа бүтээгдэхүүнийг мэдээлэх, шинэ санаа өгөх зорилготойгоор албан ёсоор 4н сарын 8нд блогоо нээгээд байгаа билээ. 

Монол стайл блог нь олон нийтийн тодотголтой байгаа нь блогийн гол онцлог бөгөөд блогт Монгол улсынхаа хөгжил, бие биенийхээ ажил, бүтээл туурвил, ололт амжилт, үйлдвэрлэл, санал санаачлагыг дэмжих хүсэлтэй хэн бүхэн блогт өөрийн нийтлэлийг илгээн бусаддаа хүргэх боломжтой. 

Хэрэв та үйлдвэрлэл, үйлчилгээ явуулдаг бол өөрсдийн үйл ажиллагаа, бараа бүтээгдэхүүнийхээ тухай сурталчилгааны нийтлэлийг блогт байршуулсанаар сурталчилгаагаа үнэгүй олон нийтэд түгээн санал шүүмж зэргийг хэрэглэгч, уншигчдаас авах, хэрэглэгчдийнхээ тоог өсгөх бүрэн боломжтой. 

Мөн манай блогийг дэмжихийг хүсвэл:

- Блогийн эвээн тэтгэгч буюу спонсор болоорой
- Блогт админаар нэгдээрэй
- Блогийн сайн дурын идэвхтэн нийтлэгч болоорой
- Зохиогдох үйл ажиллагаа, арга хэмжээнд идэвхтэй оролцоорой
- Блогийн идэвхтэн түгээгч, дэлгэрүүлэгч байгаарай
Дээрх бүх үйлдэл нь биднийг дэмжиж буйн илрэл юм. 

Блогийн Уриа: Ганц ганцаараа биш хамтдаа, бие биетэйгээ бус гадныхантай өрсөлдөцгөөе. 

Таныг бидэнтэй хамт байгаад баяртай байна.
Хүндэтгэсэн: Блогийн хамт олон.